საფრანგეთის ქალაქ ლიონის გარეუბანში შვიდსართულიან საცხოვრებელ კორპუსში ხანძარი გაჩნდა - ინფორმაციას France24 ავრცელებს. გამოცემის ცნობით, ხანძრის შედეგად 10 ადამიანი დაიღუპა, მათ შორის ხუთი ბავშვი.
ადგილობრივი ხელისუფლება იტყობინება, რომ ხანძრის შედეგად თოთხმეტი ადამიანი დაშავდა, მათ შორის 4 გადაუდებელ დახმარებას საჭიროებდა.
ხანძრის გამომწვევი მიზეზი ჯერჯერობით უცნობია. შენობაში 170 მეხანძრე-მაშველი იყო მობილიზებული. მომხდარზე გამოძიება უკვე დაიწყო.
