რუსმა ოკუპანტებმა გათავისუფლებული ხერსონის სოფელი სტეპანოვკა დაბომბეს - არსებული ინფორმაციით ჭურვები ჰუმანიტარული დახმარების შტაბს მოხვდა.
უკრაინის პრეზიდენტის აპარატის უფროსის მოადგილის, კირილ ტიმოშენკოს ინფორმაციით, თავდასხმას 1 ადამიანის სიცოცხლე ემსხვერპლა.
"ხერსონის გარეუბანი, სოფელი სტეპანოვკა. რუსები ნაღმტყორცნებიდან დასახლებულ პუნქტს ესროდნენ. ჭურვები ჰუმანიტარული დახმარების შტაბს მოხვდა! მიყენებული ჭრილობების შედეგად 1 ქალი გარდაიცვალა, კიდევ 2 ადამიანი საავადმყოფოშია გადაყვანილი" - წერს ტიმოშენკო
სარაკეტო იერიშის შედეგად ასევე დაზიანდა სკოლის შენობა, საავადმყოფო და ეკლესია.
