მსოფლიო ჩემპიონატის ფინალზე პროტესტის მცდელობისთვის Pussy Riot-ის წევრები დააკავეს
გამოქვეყნდა:
კატარში, მსოფლიო ჩემპიონატის ფინალზე რუს აქტივისტთა ჯგუფი, Pussy Riot-ის წევრები დააკავეს. ისინი მოედანზე შეჭრას უკრაინაში ომის გაპროტესტების, რუსი ოპოზიციონერი ალექსეი ნავალნის გათავისუფლებისა და ირანში ქალთა მიმართ ძალადობის შეწყვეტის მოთხოვნით ცდილობდნენ.
Cinema for peace Foundation-ის ინფორმაციით, დაცვამ დააკავა Pussy Riot-ის რუსი აქტივისტები ნიკა ნიკულშინა და პეტრე ვერზილოვი, ასევე ჯგუფის უკრაინელი აქტივისტი.
ორგანიზაციის ცნობითვე, აქტივისტები დაცვამ მანამ დააკავა, სანამ ისინი მოედანზე შეიჭრებოდნენ.
