ნარკოდანაშაულის წინააღმდეგ სპეცოპერაცია მიმდინარეობს გორშიც. ჯუღაშვილის ქუჩაზე სამართალდამცველებმა ერთი პირი დააკავეს. დაკავებულია გოგა ქვრივიშვილი. ადგილზე იმყოფება ვალერი თელია - შიდა ქართლის პოლიციის დეპარტამენტის დირექტორი, რომლის განცხადებითაც დეტალურ ინფორმაციას შსს-ს პრესსამსახური გაავრცელებს.
შეგახსენებთ, სპეცოპერაციების სერია ნარკორეალიზატორების წინააღმდეგ, დღეს მთელი ქვეყნის მასშტაბით ჩატარდა. კრიმინალური პოლიციის ხელმძღვანელის ინფორმაციით, დაკავებულია 20-მდე პირი.
