ოკუპანტები კონცენტრირებულნი არიან შეტევაზე ლიმანის, ბახმუტისა და ავდეევკას რაიონებში - უკრაინის გენშტაბი
გამოქვეყნდა:
უკრაინის შეიარაღებული ძალების გენერალური შტაბის ინფორმაციით, რუსი ოკუპანტები კონცენტრირებულნი არიან შეტევაზე სამი მიმართულებით - ლიმანის, ბახმუტისა და ავდეევკას რაიონებში და ცდილობენ გაიუმჯობესონ ტაქტიკური პოზიცია კუპიანსკის რაიონში. თუმცა, გენშტაბის ინფორმაციით, ისინი დიდ წინააღმდეგობას აწყდებიან უკრაინის დამცველების მხრიდან.
18:00 საათის ოპერატიული მონაცემებით, დღის განმავლობაში მტერმა სამი სარაკეტო დარტყმა განახორციელა ზაპოროჟიეს რეგიონში სამოქალაქო ობიექტებზე.
გენშტაბის განცხადებით, ნაღმტყორცნებიდან დაიბომბა ხარკოვის რეგიონის 11 დასახლებული პუნქტი სლობოჟანსკის მიმართულებით, ხოლო კუპიანსკის მიმართულებით, მტერმა დაბომბა ხარკოვის ოლქის ხუთი და ლუგანსკის ოლქის ორი დასახლებული პუნქტი.
რაც შეეხება კონტრშეტევას. გენშტაბის ცნობით, დღის განმავლობაში უკრაინის თავდაცვის ძალების ავიაციამ 3 დარტყმა განახორციელა მოწინააღმდეგის პერსონალის, ცოცხალი ძალის, იარაღისა და სამხედრო ტექნიკის კონცენტრაციის ადგილებზე, ასევე ოკუპანტების S-300 საზენიტო სარაკეტო სისტემაზე.
