ცოლ-ქმრის განზრახ მკვლელობის ფაქტზე დაკავებულს ბრალდება წარუდგინეს - მას პატიმრობა შეეფარდა
გამოქვეყნდა:
საქართველოს პროკურატურამ ცოლ-ქმრის განზრახ მკვლელობის ფაქტზე ერთ პირს ბრალდება წარუდგინა.
"შინაგან საქმეთა სამინისტროს მიერ ჩატარებული გამოძიებით დადგინდა, რომ 19 დეკემბერს, ქ. თბილისში, ბრალდებულმა ურთიერთშელაპარაკებისას ცოლ-ქმარს დანით ჭრილობები მიაყენა, რის შედეგადაც, ისინი ადგილზე გარდაიცვალნენ. ბრალდებულმა კვალის დაფარვის მიზნით, ცხედრები შემთხვევის ადგილთან ახლოს არსებულ ორმოში მოთავსა და ხის ტოტებით დაფარა, რის შემდგომაც, შემთხვევის ადგილიდან მიიმალა"- ნათქვამია განცხადებში.
სამართალდამცავებმა ბრალდებული 21 დეკემბერს დააკავეს. მას ბრალდება საქართველოს სისხლის სამართლის კოდექსის 109-ე მუხლის ,,ლ” ქვეპუნქტით (ორი პირის განზრახ მკვლელობა) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.
პროკურატურის შუამდგომლობის საფუძველზე, სასამართლოს მიერ ბრალდებულს აღკვეთის ღონისძიების სახით პატიმრობა შეეფარდა.
ამავე თემაზე:
- "მთავარი არხის" ინფორმაციით, თბილისში ცოლ-ქმარი მოკლეს
- "ცხედრები დამარხა და მიიმალა" | ცოლ-ქმრის მკვლელობა ფინანსური დავის ნიადაგზე, დაკავებულია უცხო ქვეყნის მოქალაქე
- "მთავარი არხის" ინფორმაცია ცოლ-ქმრის მკვლელობაზე შსს-მ ოფიციალურად დაადასტურა - ახალი დეტალები
- "თანხა გადაარიცხვინა, შემდეგ გაიტყუა, რომ გაგიფორმებ მანქანებსო და დახოცა" | ოჯახის ახლობლები ცოლ-ქმრის მკვლელობაზე
