პრეზიდენტის სახლთან სამოქალაქო აქტივისტები არიან შეკრებილები. მათ გუშინდელი ღამე ადგილზე გაათენეს. პროტესტის მონაწილეები სალომე ზურაბიშვილის გამოჩენას ელოდებიან.
აქციის მონაწილეები რამდენიმე დღეა ორბელიანების სასახლესთან იკრიბებიან მოთხოვნით - "არ მოკლა პრეზიდენტი".
პრეზიდენტის სახლთან მობილიზებულია პოლიციაც.
"ჩვენ ვიყავით ორი დღე პრეზიდენტის სასახლესთან, პოლიცია არ გვაძლევდა სკამის შემოტანის უფლებას, რომ ღამის 3 საათზე, მინუს გრადუს სიცივეში დავმჯდარიყავით. დღეს მოვედით სახლთან, რომ შევაწუხოთ ახლოს, მაგრამ არ გვიშვებს პოლიცია, ხედავთ რამხელა კორდონია", - თქვა აქტივისტმა, ნიკა ნარსიამ.
აქციის მონაწილეები მოქალაქეებს მოუწოდებენ 6 საათზე რეზიდენციასთან აქციას შეუერთდნენ.