პარლამენტის სხდომების გაცდენის გამო, დეპუტატებს ხელფასიდან 80 ათასი ლარი დაექვითათ - 60 ათასი ოპოზიციაზე მოდის
გამოქვეყნდა:
საქართველოს პარლამენტის სხდომების არასაპატიო მიზეზით გაცდენების გამო, წლის განმავლობაში დეპუტატებს ხელფასიდან 80 000 ლარი დაექვითათ, აქედან 60 000 ოპოზიციაზე მოდის, - ამის შესახებ საქართველოს პარლამენტის თავმჯდომარემ, შალვა პაპუაშვილმა ბიუროს სხდომაზე ისაუბრა.
მისი თქმით, ამ თანხას ქველმოქმედებისთვის გამოიყენებენ.
„მიმდინარე წელს 80 ათასი ლარი დაგროვდა ჯარიმებითა და დაქვითებით. საინტერესოა, რომ ამ თანხიდან 77% ოპოზიციონერ დეპუტატებზე მოდის, დაახლოებით 60 ათასი ლარი. ხაზინადართა საბჭოს მივმართეთ და საბჭომ იმსჯელა, რომ ეს თანხა გამოვიყენოთ ქველმოქმედებისთვის. ბიუროს ვთხოვთ, დავამტკიცოთ, რათა ეს თანხა გარკვეული საქველმოქმედო ღონისძიებებისთვის გამოვიყენოთ“, - თქვა პაპუაშვილმა.
