სახალხო დამცველის გარეშე დარჩენილი ქვეყანა - ახლა ყველა ქართული ოცნების გადაწყვეტილების მოლოდინშია. რას შესთავაზებს პარლამენტს მმართველი პარტია და შეცვლის თუ არა სახალხო დამცველის არჩევის წესს. სახელისუფლებო პარტიის გადაწყვეტილება ცნობილი ზუსტად ერთ თვეში გახდება.
თუმცა, "ქართულმა ოცნებამ" ევროკომისიის ერთ-ერთი მთავარი რეკომენდაცია უკვე დაარღვია - არ აირჩია ახალი სახალხო დამცველი, რომელსაც სამოქალაქო საზოგადოების მაღალი ნდობა ექნებოდა. ახლა კი არ არის გამორიცხული, მმართველმა პარტიამ გავლენიანი არასამთავრობო ორგანიზაციები სახალხო დამცველის შერჩევის პროცესიდან საერთოდ გამოთიშოს.
