პუტინის მობილიზაციას გაქცეული ხუთი რუსი რამდენიმე თვეა სეულის აეროპორტში ცხოვრობს
გამოქვეყნდა:
პუტინის მობილიზაციას გაქცეული ხუთი რუსი სტუდენტი, უკვე რამდენიმე თვეა, სეულის აეროპორტში ცხოვრობს. მედიის ცნობით, რუსმა სტუდენტებმა, სექტემბერში, საკუთარი ავტომობილით ქვეყნიდან გაქცევა და თავშესაფრის პოვნა გადაწყვიტეს.
ამის შემდეგ, მონღოლეთის საზღვარი საკუთარი მანქანით გადაკვეთეს, შემდეგ ფილიპინებში გაფრინდნენ და თავშესაფრის მიღების იმედით კორეაში ჩასვლა გადაწყვიტეს. თუმცა, ადგილზე ჩასულებმა გაიგეს, რომ კორეის იუსტიციის სამინისტრო, ლტოლვილის სტატუსის მოპოვების საფუძვლიან მიზეზად კანონპროექტის აცილებას მიიჩნევს.
ცნობილია, რომ მას შემდეგ ისინი ინჩეონის აეროორტში ცხოვრობენ და მისი ლეგალურად დატოვება არ შეუძლიათ. ხელისუფლება კი მათ მხოლოდ კვებით უზრუნველყოფს.
მედია წერს, რომ რუსებმა კორეის იუსტიციის სამინისტროს გადაწყვეტილება გაასაჩივრეს და თუ მათი სარჩელი არ დაკმაყოფილდა, ისინი რუსეთში დაბრუნებას გეგმავენ.
