დროებით ოკუპირებულ მარიუპოლში, რუსებმა მასობრივი იძულებითი პასპორტიზაცია დაიწყეს - ინფორმაციას ქალაქის ლეგიტიმური მერის მრჩეველი, პეტრო ანდრიუშჩენკო ავრცელებს.
მისი თქმით, პირველი იანვრიდან ყველა მასწავლებლისთვის, ექიმისთვის, პოლიციისა და საჯარო მოხელისთვის სავალდებულო ხდება რუსული პასპორტის აღება, ხოლო 1-ელი მარტიდან შეუძლებელი იქნება მარიუპოლის ტერიტორიაზე ბიზნესის კეთება რუსული პასპორტის გარეშე.
"ასეთი „კანონი“ არ არსებობს, მაგრამ სიტყვიერად გააფრთხილეს ამის შესახებ“, - აცხადებს ანდრიუშჩენკომ.
უკრაინული მედიის ინფორმაციით, მარიუპოლში მძიმე ვითარებაა. ქალაქს არ აქვს წყალი და ელექტროენერგია, რის გამოც ხალხი პირდაპირ სახლებში იყინება:
"სიტუაცია ძალიან ახლოს არის ჰუმანიტარულ კატასტროფასთან. გათბობასთან დაკავშირებით ძალიან დიდი პრობლემებია. ცენტრალიზებული გათბობა არ აღდგა ქალაქის უმეტეს ნაწილში. მოსახლეობის მაქსიმუმ 30% არის ჩართული ცენტრალიზებულ გათბობაზე", - განმარტავს ანდრიუშჩენკო.
პარალელურად, ოკუპანტები მარიუპოლის საზღვაო პორტს სამხედრო ბაზად აკეთებენ. რუსებმა დაიწყეს სამუშაოები ნავმისადგომების სამოქალაქო და სამხედრო ნავმისადგომებად დაყოფაზე.
