საქართველო ლეგენდარულ ვახტანგ კიკაბიძეს ემშვიდობება, ყველასაგან გამორჩეულ მსახიობს, მომღერალს და ქვეყნის ღირსეულ, სამაგალითო პატრიოტს, რომელიც მილიონობით ადამიანისთვის თაყვანისცემის ობიექტი იყო. ბუბა კიკაბიძე ყოველთვის იყო იქ, სადაც სამშობლოს სჭირდებოდა.
იყო ერთ-ერთი პირველი, ვინც რუსული აგრესია ღიად დაგმო და 2008 წლის ომის შემდეგ, არაერთი შეთავაზების მიუხედავად, რუსულ მიწაზე ფეხი აღარ დაუდგამს. უკრაინაში პუტინის ომის დაწყების შემდეგ კი ბოლო წუთამზე უკრაინელი ხალხის გულმხურვალე მხარდამჭერი იყო.
მძიმე ავადმყოფობამდე, ბოლო, საქველმოქმედო კონცერტიც სწორედ უკრაინელ ხალხს მიუძღვნა. ბუბა კიკაბიძეს 19 იანვარს ვერის სასაფლაოზე დაკრძალავენ, სამოქალაქო პანაშვიდი კი ქაშვეთის ტაძარსა ფილარმონიის დიდ საკონცერტო დარბაზში გაიმართება.
ავტორი: ზურა პეტროსიანი
