ბიუჯეტიდან დახარჯული მილიონები, კორუფციული სქემები და მოუწესრიგებელი ინფრასტრუქტურა - აჭარის მოსახლეობა წლების განმავლობაში მოუგვარებელ პრობლემებზე საუბრობს და ხელისუფლებას უყურადღებობაში ადანაშაულებს.
აჭარის მაღალთიან რაიონში, ქედაში, ბოლო წლების განმავლობაში ხელისუფლებამ სასმელი წყლით მომარაგებისთვის 4,5 მილიონ ლარზე ლარზე მეტი დახარჯა, თუმცა კონკრეტულად დანდალოს თემში 600-ზე მეტი ოჯახიდან ნაწილს წყალი ან არ მიეწოდება, ან ეს წყალი უხარისხო და სასმელად უვარგისია. მოსახლეობა კორუფციულ გარიგებებთან ერთად, სამუშაოების უხარისხოდ შესრულებაზეც აკეთებს აქცენტს. მათ ადგილობრივ ხელისუფლებას არსებული პრობლემების მოგვარების თხოვნით არაერთხელ მიმართეს, თუმცა, ამაოდ.
ადგილობრივებს დღეს "ნაციონალური მოძრაობის" წევრი მიხეილ ბოლქვაძე შეხვდა და მან დანდალოს თემიდან სპეციალური განცხადებაც გააკეთა.
ავტორი: თეა ვაშალომიძე.
