სამწუხაროდ, როცა თავისუფალი სამყარო რუსეთს სანქციებს უწესებს, საქართველოს ხელისუფლება სხვა გზით მიდის - გონჩარენკო
გამოქვეყნდა:
უკრაინის რადას დეპუტატი, ოლექსი გონჩარენკო ევროსაბჭოს საპარლამენტო ასამბლეაზე სიტყვით გამოსვლისას მოლდოვასა და საქართველოზე საუბრობს და ამბობს, რომ ორივე ქვეყნის ხალხის მომავალი თავისუფლებაა და არა რუსული უღელი, თუმცა გონჩარენკო საქართველოს ხელისუფლებაზე ამბობს, რომ ის "სხვა გზით მიდის"
"მოლდოვა თავისუფალ სამყაროში გადადის, ის ცდილობს განავითაროს და გააუმჯობესოს თავისი მოქალაქეების ცხოვრება, მაგრამ არის ერთი ქვეყანა, რომელსაც ნამდვილად არ სურს, რომ მოლდოვა წარმატებული იყოს. და ეს არის რუსეთი.
ის უხდის ფულს პრორუს პოლიტიკოსებს მოლდოვაში, მართავს საბაჟო აქციებს, ქმნის ქაოსს, უტევს პროპაგანდით, იყენებს გაზს იარაღად, აშანტაჟებს. რადგან უკრაინის შემდეგ, სამიზნე მოლდოვაა.
არის კიდევ ერთი ქვეყანა, როგორიც მოლდოვაა, რომელიც მთელი გულით გვიყვარს, ეს არის საქართველო. მაგრამ სამწუხაროდ, როცა თავისუფალი სამყარო რუსეთის ფედერაციის წინააღმდეგ სანქციებს აწესებს, საქართველოს ხელისუფლება სხვა გზით მიდის.
ქართველი, მოლდოველი და უკრაინელი ხალხის მომავალი თავისუფლებაა და არა რუსული უღელი. ჩვენ ყველა ერთად უნდა ვიყოთ თავისუფალი სამყაროს ნაწილი." ამბობს გონჩარენკო.
