წამება არაა, როცა თითქმის უგონოდ წევს ადამიანი და შუაღამეს ბადრაგს აგზავნიან მოსახრჩობად? ან როცა გცემენ? - მიხეილ სააკაშვილი Spiegel-ს
გამოქვეყნდა:
მიხეილ სააკაშვილი გერმანულ გამოცემა Spiegel-თან ინტერვიუში მის მიმართ, დაპატიმრების შემდეგ, არასათანადო მოპყრობასა და წამებაზე საუბრობს. გამოცემის კითხვაზე, "თქვენ ამტკიცებთ, რომ გაწამეს. რას ნიშნავს ეს უფრო ზუსტად?" მესამე პრეზიდენტი პასუხობს:
თქვენ რას დაარქმევდით, როცა მძიმედ დაავადებული პატიმარი პაციენტი ათასობით სახიფათო კრიმინალის გარემოცვაშია გამოკეტილი, რომლებიც დღე და ღამე ყვირიან და იმუქრებიან, რომ მოგკლავენ? მე რადიოს მთელ ხმაზე ჩართვა მიწევდა, რომ ნაწილობრივ მაინც გადამეფარა ეს ხმები.
წამება არაა, როცა ჩემ მდგომარეობაში 200 წნევით თითქმის უგონოდ წევს ადამიანი და შუაღამეს ბადრაგს აგზავნიან მოსახრჩობად? ან როცა ციხის საავადმყოფოში გცემენ?" ამბობს მიხეილ სააკაშვილი
