11 საათზე მეტია ენმ-ში არჩევნები მიმდინარეობს - 30 ათასზე მეტმა პირმა პოზიცია უკვე დააფიქსირა
გამოქვეყნდა:
მთავარი ოპოზიციური პარტიის თავმჯდომარის არჩევნები უკვე 11- საათზე მეტია მიმდინარეობს. ამ დროისთვის 30 ათასზე მეტმა პირმა კენჭისყრაში მონაწილეობა უკვე მიიღო. ეს ნიშნავს რომ ნაციონალური მოძრაობის 50 ათასამდე დარეგისტრირებული მხარდამჭერიდან, არჩევნებში პოზიცია 50%-მა უკვე დააფიქსირა.
არჩევნები ელექტრონული წესით ტარდება და ხმის მიცემა 30 იანვარს, დილის 10 საათზე დასრულდება. მხარდამჭერებს 48 საათი აქვთ იმისთვის რომ არჩევანი გააკეთონ.
ნაციონალური მოძრაობის - თავმჯდომარეობისთვის ოთხი კანდიდატი: მოქმედი თავმჯდომარე ნიკა მელია, ლევან ხაბეიშვილი, ნონა მამულაშვილი და გიორგი მუმლაძე იბრძვიან. ვინ ჩაიბარებს პარტიის თავმჯდომარეობას ეს ორშაბათს 30 იანვარს, დღის 12 საათისთვის გამოცხადდება.
