მცოცავი ოკუპაცია გრძელდება - დავით ქაცარავას ინფორმაციით, ოკუპანტების მიერ გაკეთებული ახალი ნიშნულები აღმოაჩინეს იმ ტერიტორიაზე, რომელიც ცხინვალის ადმინისტრაციულ საზღვრებში არასოდეს შედიოდა.
ანტისაოკუპაციო მოძრაობა "ძალა ერთობაშიას" წევრები ჩორჩანას ტყეში არსებული ვითარებისა და ახალი ნიშნულების შესახებ ინფორმაციას დიპლომატიურ კორპუსს მიაწვდიან.
ჩორჩანის ტყის შუაგულიდან, რომელსაც კვეთა არ ჰქონდა საოკუპაციო ხაზთან, ყოფილა რამდენიმე ადამიანი გატაცებული... ჩვენი მოსახლეობა ძალიან დიდი საფრთხის ქვეშ იმყოფება. ფაქტობრივად, ტყის ნებისმიერი წერტილიდან შეიძლება მოხდეს გატაცება, - ამბობს დავით ქაცარავა.
