ისევ გონების დაკარგვის ეპიზოდი გამეორდა, არ ვიცი ეს ადამიანი როდემდე გაძლებს - ალასანია მიხეილ სააკაშვილზე
გამოქვეყნდა:
ჩვენთან ერთად მოიპოვეთ თავისუფლება!
კლინიკა "ვივა მედში" მესამე პრეზიდენტი დედამ, გიული ალასანიამ მოინახულა. მან მედიასთან კომენტარის დროს თქვა, რომ გუშინ მიხეილ სააკაშვილმა კიდევ ერთხელ დაკარგა გონება.
ალასანია იმეორებს, რომ თუ სასამართლო პროცესები გაჭიანურდება, მიხეილ სააკაშვილი მათ დასრულებამდე ვერ გაძლებს. "მთავარ არხთან" საუბრისას ალასანია ამბობს, რომ მიხეილ სააკაშვილს ისევ აქვს მაღალი ტემპერატურა და გადაადგილება არ შეუძლია.
"ისევ გონების დაკარგვის ეპიზოდი გამეორდა. ძალიან ცუდადაა. ეს პროცესები მიდის, ხვალ იქნება კიდევ პროცესი, გუშინ იყო, მაგრამ მე არ ვიცი უკვე რა აზრი აქვს ამ ყველაფერს, იმიტომ, რომ ეს ადამიანი არ ვიცი როდემდე გაძლებს. ამდენი ხანი გაძლებს ეს ადამიანი ამ მდგომარეობაში?! ძალიან მეეჭვება, რა ვიცი. ეს მომდევნო კვირა აღარ დაილია", - თქვა გიული ალასანიამ.
ცნობისთვის, მიხეილ სააკაშვილის მომდევნო სასამართლო პროცესი ხვალ, პირველ თებერვალსაა ჩანიშნული. სხდომებზე დაცვის მხარის მოწმეების გამოკითხვა მიმდინარეობს.
ახალგაზრდები ქაშვეთთან იკრიბებიან | მთავარის სპეც ეთერი
უყურეთ ბოლო გამოშვებას
