მეორე მსოფლიო ომის დროს, სტალინგრადის ბრძოლაში გამარჯვების მე-80 წლისთავთან დაკავშირებით, ვოლგოგრადში საგზაო ნიშნები წარწერით „ვოლგოგრადი", დროებით წარწერა „სტალინგრადით“ ჩაანაცვლეს.
2013 წელს, ვოლგოგრადის საქალაქო სათათბირომ გადაწყვიტა ქალაქისთვის "სტალინგრადის" სახელი დაებრუნებინა წელიწადში ათი დღე. მათ შორის - 2 თებერვალს - სტალინგრადის ბრძოლაში საბჭოთა ჯარების გამარჯვების დღეს, ასევე მეორე მსოფლიო ომის დასრულების დღეს, გმირების დღეს და ა.შ.
1-2 თებერვალს ვოლგოგრადის რეგიონში დასვენების დღეებია გამოცხადებული. რეგიონში სხვადასხვა ღონისძიებაა დაგეგმილი სამხედროებისა და ვეტერანების მონაწილეობით. ასევე, 2 თებერვალს იგეგმება სამხედრო აღლუმი, რომელსაც სავარაუდოდ პუტინიც დაესწრება.
