დააფინანსოს მთავრობამ პრეპარატი - აქონდროპლაზიის დიაგნოზის მქონე ბავშვების მშობლები აქციას გამართავენ
გამოქვეყნდა:
აქონდროპლაზიის დიაგნოზის მქონე ბავშვების მშობლები ჯანდაცვის სამინისტროსთან დღეს აქციას გამართავენ. მთავარი მოთხოვნაა სახელმწიფომ შემოიტანოს და დააფინანსოს სპეციალური პრეპარატი, რომელიც ბავშვების ჯანმრთელობისთვის აუცილებელია.
მედიკამენტი, რომელიც ბავშვებმა ყოველდღიურად უნდა მიიღონ, ძალიან ძვირი ღირს. 10 ინიექციის ფასი 10 ათას ამერიკულ დოლარს აღწევს. მშობელთა უმეტესობისთვის კი ეს თანხა, ხელმიუწვდომელია.
"როგორი დაავადებაც არის, იშვიათი დაავადება აქონდროპლაზია, მისი ერთადერთი მედიკამენტი აუცილებელია, რომ სახელმწიფოს მიერ იყოს დაფინანსებული ამ ბავშვებისთვის. ვინაიდან, ეს ბავშვები არ არიან ბევრნი, აუცილებლად, ვალდებულია სახელმწიფო, ეს წერია 2019 წლის კანონში, რომ იშვიათი დაავადების მკურნალობა უნდა უზრუნველყოს სახელმწიფომ. ჩვენ არ გავჩერდებით", - ამბობს ქეთევან ბეგიაშვილი.
აქცია 11:00 საათზე გაიმართება.
