მიხეილ სააკაშვილი საკონცენტრაციო ბანაკის მსხვერპლს ჰგავს, სასწრაფოდ უნდა გადაიყვანონ ევროპაში - ბროუდერი
გამოქვეყნდა:
მაგნიტსკის სიის ავტორი, ბილ ბროუდერი მიხეილ სააკაშვილის ჯანმრთელობის მდგომარეობას ეხმაურება და წერს, რომ ის საკონცენტრაციო ბანაკის მსხვერპლს ჰგავს.
ბროუდერის თქმით, მიხეილ სააკაშვილი დაუყოვნებლივ უნდა გადაიყვანონ სამკურნალოდ საზღვარგარეთ.
"საქართველოს ყოფილი პრეზიდენტის, მიხეილ სააკაშვილის სურათები დღეს სასამართლოდან. ის საკონცენტრაციო ბანაკის მსხვერპლს ჰგავს. მან დაკარგა სხეულის წონის 40% და კვდება ციხეში. ის ითხოვს გათავისუფლებას სათანადო სამედიცინო დახმარებისთვის. ის სასწრაფოდ უნდა იქნას გადაყვანილი ევროპაში", - წერს ბილ ბროუდერი.
