მთავრობის, პრემიერის, პრეზიდენტისა და პარლამენტის მუშაობა - NDI-ს კვლევით, დადებითი შეფასება გაიზარდა

NDI-ს კვლევით, გასული წლის შემდეგ, მთავრობის საქმიანობის დადებითი შეფასება ათი პროცენტით გაიზარდა. კითხვაზე - როგორ შეაფასებდით არსებული მთავრობის მუშაობას? პასუხები ასე გადანაწილდა:

• კარგად - 51%
• ცუდად -39%
• არ ვიცი - 8%
• უარი პასუხზე -2%

ამავე კვლევებით, პრეზიდენტის, პრემიერისა და პარლამენტის საქმიანობის უარყოფითი შეფასებები 8-10 პროცენტით შემცირდა. კითხვაზე - როგორ შეაფასებდით შემდეგი ინსტიტუტების საქმიანობას პასუხები ასე გადანაწილდა:

პრეზიდენტი

• კარგად - 14%
• საშუალოდ - 45%
• ცუდად - 32%
• არ ვიცი - 8%

პრემიერმინისტრი:

• კარგად - 31%
• საშუალოდ - 36%
• ცუდად - 27%
• არ ვიცი - 5%

პარლამენტი

• კარგად - 12%
• საშუალოდ - 50%
• ცუდად - 31%
• არ ვიცი - 6%

კვლევის მიხედვით, პრემიერის საქმიანობის შეფასება შედარებით დაბალია თბილისში და ოპოზიციის მხარდამჭერებში;

პრეზიდენტის საქმიანობის უარყოფითი შეფასება შედარებით დაბალია ოპოზიციის მხარდამჭერებში;

ხოლო, პარლამენტს ყველაზე კრიტიკულად თბილისსა და დიდ ქალაქებში, ასევე ოპოზიციის მხარდამჭერებში აფასებენ.

NDI საზოგადოების აზრის კვლევის ახალ შედეგებს აქვეყნებს. აღნიშნული ანგარიში 2022 წლის 3 დეკემბრიდან - 20 დეკემბრამდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით). კვლევა მოიცავს ისეთ საკითხებს როგორიცაა: ეკონომიკა, სიღარიბის აღქმა, ინსტიტუტები, საგარეო პოლიტიკა.