ჩვენთან ერთად მოიპოვეთ თავისუფლება!
რუსეთის წინააღმდეგ სანქციების მეათე პაკეტით შეზღუდვების მოცულობა 10 მილიარდ ევროს შეადგენს, - ამის შესახებ ურსულა ფონ დერ ლეიენმა კიევში, უკრაინა-ევროკავშირის სამიტის შემდეგ გამართულ პრესკონფერენციაზე განაცხადა.
მისივე თქმით, სანქციების მეათე პაკეტი გამიზნული იქნება ტექნოლოგიებზე.
"რუსეთი და რუსული საზოგადოება უკვე ძვირს იხდის სანქციების გამო. მზადდება სანქციების მეათე პაკეტი, ჩვენ ვაპირებთ მის შემოღებას 24 თებერვლამდე. მისი მოცულობა, დაახლოებით, 10 მლრდ ევრო იქნება...სხვა სიტყვებით რომ ვთქვათ, ჩვენ უფრო ღრმად ვიკვლევთ იმ კომპონენტებს, რომლებიც აღმოჩენილია, მაგალითად, დრონებში, რათა დავრწმუნდეთ, რომ ისინი ხელმისაწვდომი არ იქნება რუსეთისთვის" - თქვა ფონ დერ ლეიენმა.
შეგახსენებთ, რომ ევროკავშირი უკრაინაში ომის წლისთავზე რუსეთის წინააღმდეგ ახალი, სანქციების მე-10 პაკეტის დამტკიცებას გეგმავს.
