აშშ-ში, სავარაუდოდ ჩინური სათვალთვალო საჰაერო ბურთის გამოჩენის გამო, ბლინკენმა ჩინეთში ვიზიტი გადადო
გამოქვეყნდა:
ჩვენთან ერთად მოიპოვეთ თავისუფლება!
აშშ-ის სახელმწიფო მდივანმა, ენტონი ბლინკენმა, ჩინური სათვალთვალო საჰაერო ბურთის გამო ჩინეთში ვიზიტი გადადო.
BBC-ის ინფორმაციით, ეს მას შემდეგ მოხდა, რაც აშშ-ის საჰაერო სივრცეში დააფიქსირეს ჩინური სათვალთვალო-სადამკვირვებლო საჰაერო ბურთი.
ენტონი ბლინკენი პეკინში თავის ჩინელ კოლეგასა და სავარაუდოდ ჩინეთის ლიდერსაც, სი ძინპინსაც უნდა შეხვედროდა.
აშშ-ის საჰაერო სივრცეში დაფიქსირებულ საჰაერო ბურთს ჩინეთის ხელისუფლებამ მეტეოროლოგიური ხელსაწყო უწოდა, რომელმაც კურსს გადაუხვია და აშშ-ში შემთხვევით, ცუდი ამინდის გამო მოხვდა.
აშშ-ის ოფიციალური პირები კი აცხადებენ, რომ დარწმუნებული არიან, საჰაერო ბურთი ჩინეთის "სათვალთვალო ხელსაწყოა".
პეკინი მომხდარის გამო, წუხილს გამოთქვამს.
