უკრაინის თავდაცვის ძალებში, სამხედრო საინფორმაციო სისტემა „დელტა“ დაინერგება - რას გულისხმობს პლატფორმა?

უკრაინის სამხედრო საინფორმაციო სისტემა „დელტა“ თავდაცვის ძალებში დაინერგება - თავდაცვის მინისტრის ოლექსი რეზნიკოვის წინადადებით, შესაბამისი დადგენილება მინისტრთა კაბინეტმა მიიღო. 

დელტა არის სიტუაციური ცნობიერების პლატფორმა, რომელიც შექმნილია უკრაინის თავდაცვის სამინისტროს თავდაცვის ტექნოლოგიების ინოვაციებისა და განვითარების ცენტრის მიერ.

პლატფორმა უკრაინის შეიარაღებულ ძალებს ოკუპანტებისგან ტერიტორიის სწრაფად გათავისუფლებაში დაეხმარება.

"ტექნოლოგია საშუალებას აძლევს ჩვენს მებრძოლებს იცოდნენ იმაზე მეტი მტრის შესახებ, ვიდრე მას წარმოუდგენია. ახლა უსაფრთხოების და თავდაცვის ძალები ოფიციალურად შეძლებენ დელტას პლატფორმის გამოყენებას. მთავრობამ მიიღო შესაბამისი რეზოლუცია.

დარწმუნებული ვარ, რომ დელტა დაეხმარება ჩვენს მებრძოლებს გაათავისუფლონ უკრაინის მთელი ტერიტორია ოკუპანტებისგან უფრო სწრაფად“, - წერს ციფრული ტრანსფორმაციის მინისტრი მიხაილო ფედოროვი Telegram-ში.

დელტა სისტემა ჯარისკაცებს საშუალებას მისცემს თვალყური ადევნონ ბრძოლის ველსა და მტრის ჯარების მდებარეობას ონლაინ რეჟიმში. გარდა ამისა, პლატფორმაზე იტვირთება საჰაერო დაზვერვის მონაცემები, თანამგზავრები, დრონები, სტაციონარული კამერები, რადარები, ჩატბოტები და ა.შ.

სამხედროების მიერ პლატფორმის გამოყენების გარდა, მთავრობამ დაუშვა დელტას განლაგება უკრაინის ფარგლებს გარეთ საჰაერო სივრცეში. ეს დაიცავს სისტემას მტრის რაკეტებისა და კიბერშეტევებისგან.