თურქეთის 10 პროვინციაში საგანგებო მდგომარეობა გამოცხადდა, - ამის შესახებ განცხადება ქვეყნის პრეზიდენტმა, რეჯეფ ტაიპ ერდოღანმა გააკეთა.
მისივე თქმით, საგანგებო მდგომარეობა 3 თვის განმავლობაში გაგრძელდება.
"ათი პროვინცია, სადაც მიწისძვრა მოხდა, გამოვაცხადეთ კატასტროფის ზონად.
იმისთვის, რომ სამძებრო-სამაშველო სამუშაოები უპრობლემოდ განხორციელდეს, ჩვენ გადავწყვიტეთ რომ საგანგებო მდგომარეობა 10 პროვინციაში 3 თვით დავაწესოთ, კონსტიტუციის 119-ე მუხლის შესაბამისად", - წერს თურქეთის პრეზიდენტი.
