უკრაინაში დააკავეს რუსეთის აგენტი, რომელიც ხარკოვზე სარაკეტო თავდასხმას კოორდინაციას უწევდა

უკრაინაში "ცხელ კვალზე" დააკავეს რუსეთის აგენტი, რომელიც კოორდინაციას უწევდა ხარკოვზე სარაკეტო თავდასხმას, რომელიც 2023 წლის 5 თებერვალს განხორციელდა - ამის შესახებ ინფორმაციას უკრაინის უსაფრთხოების სამსახური ავრცელებს. 

5 თებერვალს მტრის დაბომბვის შედეგად დაიღუპა მშვიდობიანი მოსახლეობა და განადგურდა ქალაქის სამოქალაქო ინფრასტრუქტურა.

გამოძიების ინფორმაციით, დაკავებული ადგილობრივი მცხოვრები აღმოჩნდა, რომელიც თანამშრომლობდა რუსეთის სამხედრო დაზვერვასთან.

მოღალატემ ფარულად ჩაიწერა ხარკოვის რეგიონში სამხედრო მოსამსახურეების მდებარეობები, გზის ბლოკები და კრიტიკული ინფრასტრუქტურის ობიექტები და მტერს გადასცა. რუსები მითითებულ ადგილებს სარაკეტო თავდასხმის პოტენციურ სამიზნედ იყენებდნენ.

უკრაინის უსაფრთხოების სამსახურის თანამშრომლებმა დააფიქსირეს მტრის აგენტის სადაზვერვო და დივერსიული საქმიანობის ფაქტები, მისი მონაწილეობა ხარკოვში საცხოვრებელ კორპუსსა და უმაღლეს სასწავლებელზე განხორციელებულ სარაკეტო თავდასხმაში, ასევე, დაადგინეს მისი რუსი ხელმძღვანელების ვინაობა.

როგორც გამოძიებამ გამოავლინა, მტრის აგენტი კურატორს ელექტრონული საკომუნიკაციო არხებით უკავშირდებოდა, ყველა შეთქმულების ღონისძიების მკაცრი დაცვით.

სპეცსამსახურის თანამშრომლებმა რუსეთის ფედერაციის აგენტი უშუალოდ მტრის სხვა დავალების შესრულების დროს დააკავეს.