თურქეთსა და სირიაში მიწისძვრის შედეგად უცხო ქვეყნების 500-მდე მოქალაქე დაიღუპა | მედია
გამოქვეყნდა:
უცხოური მედია თურქეთსა და სირიაში დამანგრეველი მიწისძვრის შედეგად დაღუპული უცხო ქვეყნის მოქალაქეების რაოდენობას აქვეყნებს:
ცნობილია, რომ ამ დროის მონაცემებით, თურქეთში სირიის 375, პალესტინის 20, ჩრდილოეთ კვიპროსის 10, აზერბაიჯანის 4, საქართველოს, მოლდოვას, ირანის, ნიდერლანდებისა და აშშ-ის 3, უკრაინის, ეგვიპტის, ინდონეზიისა და ლიბანის 2, ჩეხეთის, უზბეკეთის, ავსტრალიის, ტაილანდისა და მაროკოს 1 მოქალაქე დაიღუპა.
სირიაში კი მიწისძვრას პალესტინის 45 და ლიბანის 5 მოქალაქე ემსხვერპლა.
შეგახსენებთ, რომ თურქეთსა და სირიაში, ძლიერი მიწისძვრების შედეგად დაღუპულთა რიცხვი 19 300-მდე გაიზარდა. თურქეთის პრეზიდენტის ინფორმაციით, მხოლოდ მის ქვეყანაში, დაღუპულია 16,170 ადამიანი, ხოლო სირიაში, ამ დროისათვის არსებული მონაცემებით - 3162 ადამიანი.
თურქეთ-სირიის საზღვართან ორშაბათს დილით მომხდარ 7,8 ბალიან მიწისძვრას ბოლო დღეების განმავლობაში ასზე მეტი განმეორებითი ბიძგი მოჰყვა, მათ შორის 7 და 5-ბალიანი მიწისძვრები.
