Reuters-ს ინფორმაციით, Meta-მ აშშ-ის ყოფილ პრეზიდენტს დონალდ ტრამპს Facebook-ისა და Instagram-ის ანგარიშები აღუდგინა.
"საზოგადოებას უნდა ჰქონდეს შესაძლებლობა მოისმინოს ის, რასაც პოლიტიკოსები ამბობენ" - თქვა Meta-ს გლობალურ საქმეთა პრეზიდენტმა, ნიკ კლეგმა.
მისივე თქმით, ტრამპის ანგარიშების დაბლოკვა საგანგებო ვითარებაში მიღებული უჩვეულო გადაწყვეტილება იყო.
ინფორმაცია Meta-ს სპიკერმა ენდი სტოუნმა უკვე დაადასტურა.
შეგახსენებთ, რომ დონალდ ტრამპის ანგარიშები 2021 წელს დაიბლოკა, მას შემდეგ რაც ყოფილი პრეზიდენტის მომხრეებმა კაპიტოლიუმზე შტურმი განახორციელეს.
