უკრაინის დროებით ოკუპირებული ტერიტორიების რეინტეგრაციის სამინისტროს ინფორმაციით, 61 უკრაინელი ჯარისკაცის ცხედარი უკვე უკრაინაშია გადასვენებული.
"დღეს, 10 თებერვალს რეინტეგრაციის სამინისტროსა და უგზო-უკვლოდ დაკარგულთა კომისიის ოფისის დახმარებით, სამართალდამცავ უწყებებთან თანამშრომლობით, უკრაინის 61 დამცველის ცხედარი ახლობლებს დაუბრუნდა" - წერია განცხადებაში
ოპერაცია უგზო-უკვლოდ დაკარგულთა კომისრის ოლეგ კოტენკოსა და უკრაინის სხვა სამართალდამცავი ორგანოების თანამშრომლობით, ჟენევის კონვენციის ნორმების შესაბამისად განხორციელდა.
საერთო ჯამში, უკრაინამ დღემდე 888 სამხედროს ცხედრის დაბრუნება შეძლო.
