მოლდოვის პრეზიდენტმა, მაია სანდუმ პრემიერმინისტრის თანამდებობაზე დორინ რეჩანის კანდიდატურა წარადგინა, - ამის შესახებ სანდუმ საპარლამენტო ფრაქციების ლიდერებთან კონსულტაციების შემდეგ განაცხადა.
დორინ რეჩანმა 2 კვირის განმავლობაში პარლამენტს ახალი მინისტრთა კაბინეტი და სამთავრობო პროგრამა უნდა წარუდგინოს.
მანამდე დორინ რეჩანი მოლდოვის უსაფრთხოების უმაღლესი საბჭოს მდივნის თანამდებობას იკავებდა,ხოლო 2012-2015 წლებში შინაგან საქმეთა სამინისტროს ხელმძღვანელობდა.
შეგახსენებთ, რომ მოლდოვის პრემიერ-მინისტრი, ნატალია გავრილიცა დღეს თანამდებობიდან გადადგა, პრემიერის გადადგომით, დაიშალა ქვეყნის მთავრობაც.
