ცოცხალი ადამიანების სასაფლაოებად ქცეული ნანგრევები | დამანგრეველი მიწისძვრები თურქეთსა და სირიაში
გამოქვეყნდა:
თურქეთსა და სირიაში მომხდარი მიწისძვრის მსხვერპლთა რაოდენობა უკვე გადასცდა 33 000-ს. ვარაუდობენ, რომ სულ მცირე 30 000 ადამიანი ამ დრომდე ნანგრევებში რჩება, თუმცა არ არის გამორიცხული, ეს მონაცემებიც კი ზედმეტად ოპტიმისტური აღმოჩნდეს. გარდაცვლილთა შორის 5 საქართველოს მოქალაქეა.
გამანადგურებელი მიწისძვრიდან 7 დღის შემდეგ სულ უფრო მცირედება შანსი, რომ ნანგრევებიდან ადამიანები ცოცხლად გამოიყვანონ. თუმცა, წარმატებული სამაშველო სამუშაოების რამდენიმე მაგალითი დღესაც იყო, და ალბათ სწორედ ეს აძლევს ძალას მაშველებს გააგრძელონ ძებნა ცოცხალი ადამიანების სასაფლაოებად გადაქცეულ ნანგრევებში.
