უკრაინაში მოულოდნელი ვიზიტის შემდეგ, აშშ-ის პრეზიდენტი ჯო ბაიდენი, პოლონეთში ჩავიდა.
უკრაინული მედიის ინფორმაციით, ბაიდენის პოლონეთში ვიზიტი PAP-ს პოლონეთის საგარეო საქმეთა მინისტრის მოადგილემ პიოტრ ვაჩიკმა დაუდასტურა.
ამერიკის პრეზიდენტი პოლონეთის პრჟემიშლში მატარებლით ჩავიდა, რის შემდეგაც საპრეზიდენტო თვითმფრინავ Air Force One-ში უნდა გადასულიყო და ვარშავაში ჩავიდეს. ბაიდენის ოფიციალური ვიზიტი პოლონეთში სამშაბათს დაიწყება.
გარდა ამისა, PAP-ის ცნობით, ბაიდენი პოლონეთის პრეზიდენტს ანჯეი დუდას შეხვდება. ლიდერები მოლაპარაკებებს გამართავენ პირისპირ ფორმატში, რის შემდეგაც დაგეგმილია პლენარული მოლაპარაკებები დელეგაციების დონეზე.
