ბჟანიას "ვიზიტი" ბელარუსში და მისი მიღება ლუკაშენკოს მიერ, გაეროს წესდების კიდევ ერთი სავალალო დარღვევაა - კალინდრა
გამოქვეყნდა:
საქართველოში ლიეტუვის ელჩი ანდრიუს კალინდრა, დროებით ოკუპირებული აფხაზეთის ე.წ "პრეზიდენტის" ასლან ბჟანია ბელარუსში ვიზიტს ეხმაურება.
კალინდრა წერს, რომ ბჟანიას ბელარუსში მიღება ლუკაშენკოს მიერ, გაეროს წესდების კიდევ ერთი დარღვევაა:
"ოკუპირებული აფხაზეთის დე-ფაქტო ლიდერის ვიზიტი ბელარუსში და მისი მიღება ლუკაშენკოს მიერ, გაეროს წესდების კიდევ ერთი სავალალო დარღვევაა მინსკის რეჟიმის მიერ საერთაშორისო სამართლის და საქართველოს ტერიტორიული მთლიანობის სასიცოცხლო პრინციპების უგულებელყოფით" - წერს კალინდრა
ცნობისთვის, დღეს 21 თებერვალს დროებით ოკუპირებული აფხაზეთის ე.წ "პრეზიდენტი" ასლან ბჟანია ბელარუსში ჩავიდა და ბელარუსის პრეზიდენტს, ალექსანდრე ლუკაშენკოს შეხვდა. ფაქტს საქართველოს ხელისუფლება და საგარეო საქმეთა სამინისტრო არ გამოხმაურებია.
