ჟურნალისტთა საერთაშორისო ფედერაცია  რუსეთის ჟურნალისტთა კავშირს წევრობას უჩერებს 

ჟურნალისტთა საერთაშორისო ფედერაციამ (IFJ) დღეს რუსეთის ჟურნალისტთა კავშირს (RUJ) წევრობა შეუჩერა. გადაწყვეტილება ფედერაციის გლობალური აღმასრულებელი კომიტეტის კენჭისყრის შედეგად მიიღეს. 

ეს არის ფედერაციის აღმასრულებელი ხელისუფლების უფლებამოსილებით გათვალისწინებული მაქსიმალური სანქცია „ფედერაციის პრინციპების ან მიზნების საწინააღმდეგოდ მოქმედებისთვის“.

გადაწყვეტილების მიზეზად ფედერაცია ასახელებს გამოძიების შედეგებს, რომლის თანახმადაც რუსეთის მიერ უკრაინაში შეჭრის შემდეგ რუსეთის ჟურნალისტთა კავშირმა ფილიალები გახსნა რუსეთის მიერ  ანექსირებულ უკრაინის ტერიტორიაზე. 

ჟურნალისტთა საერთაშორისო ფედერაციის წესების თანახმად, მხოლოდ ფედერაციის გლობალურ კონგრესს შეუძლია მიიღოს საბოლოო გადაწყვეტილება შვილობილი ფილიალის გარიცხვის შესახებ, მაგრამ მე-16 წესის თანახმად, „დროებითი გადაწყვეტილება წევრის გარიცხვის შესახებ შეიძლება მიიღოს აღმასრულებელმა კომიტეტმა გარემოებების სათანადო გამოკვლევის შემდეგ, თუ უზრუნველყოფილი იქნება ხმის 2/3-ით. კომიტეტის დამსწრე წევრები კენჭს უყრიან ამას.

ნებისმიერი ასეთი გადაწყვეტილება დაუყოვნებლივ ეცნობება შესაბამის წევრს. მას შეუძლია გადაწყვეტილება გაასაჩივროს ფედერაციის გლობალურ კონგრესში, რომელიც დაადასტურებს ან გააუქმებს გადაწყვეტილებას, მაგრამ ამ დროის განმავლობაში წევრს სტატუსი უჩერდება.