უახლოეს დღეებში პოლონეთი უკრაინას 60 ერთეულ PT-91 Twardy-ის ტანკს გადასცემს - მორავეცკი
გამოქვეყნდა:
უახლოეს დღეებში პოლონეთი უკრაინას კიდევ 60 პოსტსაბჭოთა ტანკს გადასცემს, მათ შორის PT-91 Twardy-ს, -
ამის შესახებ პრემიერმინისტრმა მატეუშ მორავეცკიმ კიევში, უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.
"რამდენიმე დღეში გადავცემთ ჩვენს ძალიან კარგ PT-91 ტანკებს. კიდევ 60 ტანკი ჩამოვა უკრაინაში“, - განაცხადა მორავეცკიმ.
PT-91 Twardy არის საბჭოთა T-72M ტანკის მოდერნიზებული ვერსია, რომლის წარმოება პოლონელებმა სწორედ საბჭოთა კავშირის შემდეგ დაიწყეს და ის პოლონეთის მთავარ საბრძოლო ტანკად ითვლება.
შეგახსენებთ, რომ დღეს პოლონეთიდან უკრაინაში პირველი Leopard 2-ის ტანკები ჩავიდა, თუმცა მათი ზუსტი რაოდენობა ჯერჯერობით უცნობია.
