უკრაინა და კიევიც, რომლის აღებასაც პუტინი სამ დღეში გეგმავდა, უკვე ერთი წელია უმტკიცებს მთელ მსოფლიოს და პირადად ვლადიმერ პუტინს, რომ თავისუფლების დათმობას არ აპირებს. ომში ჩართული ქვეყნის დედაქალაქი ახლა მსოფლიო პოლიტიკურ ცენტრად არის ქცეული სადაც მსოფლიო ლიდერები არიან შეკრებილი. მებრძოლი ქვეყნის ლიდერები სწორედ მათგან მთელი დღის განმავლობაში კიდევ ერთხელ ისმენდა მხარდაჭერის დაპირებებს.
უკრაინის პრეზიდენტმა დღეს დილიდან წმინდა სოფიას მოედანზე რუსეთის სრულმასშტაბიანი შეჭრის წლისთავზე უკრაინის დამცველები ეროვნული ჯილდოებით დააჯილდოვა.
"მთავარი არხის" გადამღები ჯგუფი უკვე მეორე დღეა მუშაობს კიევში. ზურა პეტროსიანი დღეს დედაქალაქის გარდა რუსული არმიის სასტიკი დანაშაულების ადგილზე იმყოფებოდა ბუჩასა და ირპენში.
