უკრაინის პრეზიდენტის აპარატის უფროსის, ანდრეი ერმაკის ინფორმაციით ხერსონში, რუსი ოკუპანტების მიერ საბავშვო ბაღის დაბომბვის შედეგად 3 ადამიანი დაშავდა, გარდა ამისა ხანძრის ჩაქრობისას მაშველები მორიგი დაბომბვის ქვეშ მოხვდნენ.
ხერსონის სამხარეო ადმინისტრაციის ცნობით, დაშავებულს შორის რეგიონული სასწრაფო-სამაშველო სამსახურის ორი თანამშრომელია.
შეგახსენებთ, რომ რუსებმა გვიან საღამოს ხერსონში საბავშვო ბაღი დაბომბეს, რის შემდეგაც ბაღს ცეცხლი გაუჩნდა.
