თურქეთსა და სირიაში 6 თებერვალს მომხდარი მიწისძვრის შედეგად დაღუპულთა საერთო რაოდენობა 50 132-მდე გაიზარდა. თურქეთში სტიქიას 44 218 ადამიანი ემსხვერპლა, სირიაში კი 5 914.
მიუხედავად იმისა, რომ 240 000-მდე მაშველი და მოხალისე აგრძელებს მუშაობას მიწისძვრით დაზარალებული თურქეთის 11 პროვინციაში, ბოლო დღეებში ვერ მოხერხდა ხალხის ნანგრევებიდან გამოყვანა.
თურქეთის დაზარალებული რეგიონებიდან 530 000-მდე ადამიანის ევაკუაცია უკვე განხორციელდა. მიწისძვრებმა ქვეყანაში 173 000 შენობა დაანგრია ან სერიოზულად დააზიანა და თითქმის 2 მლნ თურქი დროებით თავშესაფრებში ცხოვრობს.
შეგახსენებთ, 6 თებერვალს, თურქეთსა და სირიაში 7.8 მაგნიტუდის სიმძლავრის მიწისძვრა მოხდა.
