აშშ-მ ევროპაში "განკითხვის დღის" თვითმფრინავი გაგზავნა - ამის შესახებ ინფორმაციას უკრაინული მედია ავრცელებს.
E-6B Mercury-ის თვითმფრინავი ევროპაში 28 თებერვალს დაეშვა. მას ასევე უწოდებენ "განკითხვის დღის" თვითმფრინავს. ის ახორციელებს ოპერაციას აშშ-ის შეიარაღებული ძალების ევროპული სარდლობის პასუხისმგებლობის ზონაში.
"აშშ-ს საზღვაო ძალების E-6B Mercury თვითმფრინავი ჩავიდა ისლანდიაში, როდესაც ოპერაციებს ახორციელებდა აშშ-ს ევროპული სარდლობის პასუხისმგებლობის ზონაში", - წერს აშშ-ის ევროპული სარდლობა Twitter-ზე.
ეკიპაჟი შეხვდა შეერთებული შტატების ელჩს ისლანდიაში კერინ პატმანს და დიპლომატიური და სამხედრო საზოგადოების სხვა წევრებს.
თვითმფრინავი აღჭურვილია კონტინენტთაშორისი ბალისტიკური რაკეტების გაშვების მართვის ავტომატური სისტემით და გამოიყენება აშშ-ს ბირთვული საპასუხო დარტყმის შესაძლებლობის უზრუნველსაყოფად, თუკი სახმელეთო სამეთაურო პუნქტები განადგურდება.
ქვეყნები, რომლებიც ცნობილია, რომ შეიმუშავეს და აწარმოეს ასეთი თვითმფრინავები, არის შეერთებული შტატები და რუსეთის ფედერაცია.
