უკრაინაში დააკავეს ФСБ-ის აგენტი მეტსახელად "ტურა" - მან მტერს "დახმარება" თავად შესთავაზა

მიკოლაივში უკრაინის უშიშროების სამსახურის კონტრდაზვერვამ ამხილა რუსეთის აგენტი ფსევდონიმით "ტურა". ის დააკავეს და ამით მტრისთვის თავდაცვის ინფორმაციის გადაცემას ხელი შეუშალეს.

პრესცენტრის ინფორმაციით, ФСБ-ის აგენტი ერთ-ერთი საზოგადოებრივი ორგანიზაციის ადგილობრივი ტაქტიკური მომზადების ინსტრუქტორი აღმოჩნდა.

"უკრაინელი დამცველების მომზადების საფარქვეშ მან შეაგროვა ინფორმაცია სამხრეთ რეგიონის ტერიტორიაზე თავდაცვის ძალების დანაყოფების განლაგების შესახებ. უპირველეს ყოვლისა, მას რუსეთის სპეცსამსახურებმა დაავალეს უკრაინის შეიარაღებული ძალების უცხოური იარაღის ბაზებისა და საწყობების აღმოჩენა. ინფორმაციის მოსაგროვებლად მან ფარულად მოქმედი უკრაინელი სამხედრო მოსამსახურე გამოიყენა და მოპოვებული ინფორმაციაФСБ-ის წარმომადგენელს გადასცა.სადაზვერვო ინფორმაცია სჭირდებოდათ ოკუპანტებს ჩვენი სახელმწიფოს სამხედრო ობიექტებზე მიზანმიმართული სარაკეტო დარტყმების განსახორციელებლად“",- ნათქვამია განცხადებაში. 

გამოძიების თანახმად, მოღალატემ თავად შესთავაზა მტერს "დახმარება" უკრაინის წინააღმდეგ ომში.

გენერალური პროკურატურის ინფორმაციით, კაცმა გაგზავნა ინფორმაცია ტანკებისა და ჰაუბიცებისთვის უცხოური წარმოების საბრძოლო მასალის ადგილმდებარეობის შესახებ. ამასთან, მან მიუთითა ერთ-ერთი სამხედრო ნაწილის შემადგენლობის გეოგრაფიული კოორდინატები, სადაც ისინი ინახებოდა.

ეჭვმიტანილი ასევე დაინტერესდა, რამდენი დრო გადიოდა კოორდინატების გადატვირთვის მომენტიდან ზემოქმედებამდე. ორ დღეში მას პირადად დაუკავშირდნენ და საბრძოლო მასალის საწყობის ფოტოს მოპოვება დაავალეს. კაცი სწორედ ამ დავალების შესრულების მცდელობისას დააკავეს.

ჩხრეკისას მას აღმოაჩნდა მობილური ტელეფონი დანაშაულებრივი ქმედების მტკიცებულებებით, ფული და AK-74 5.45 კალიბრის ავტომატის 72 ვაზნა.