ცენტრალურ საბერძნეთში, სამგზავრო და სატვირთო მატარებლების შეჯახების შედეგად დაღუპულთა რაოდენობა 36-მდე გაიზარდა. ადგილზე სამაშველო სამუშაოები ამ დრომდე გრძელდება.
66 ადამიანი დაზიანებების გამო საავადმყოფოში მკურნალობს, ექვსი კი ინტენსიური თერაპიის განყოფილებაშია მოთავსებული.
საბერძნეთის სახანძრო სამსახურის ცნობით, სამგზავრო მატარებელი, რომელშიც 350-ზე მეტი ადამიანი იმყოფებოდა, სატვირთო მატარებელს სამშაბათს საღამოს შეეჯახა. რა გახდა შეჯახების მიზეზი, უცნობია. თესალიის რეგიონის რეგიონალურმა გუბერნატორმა, თქვა, რომ ზემოქმედება იყო "ძალიან ძლიერი" და მატარებლის წინა ვაგონები დაშლილია.
