ზაპოროჟიეში კორპუსის დაბომბვის შედეგად დაღუპულთა რიცხვი 13-მდე გაიზარდა, მათ შორისაა 8 თვის ბავშვი
გამოქვეყნდა:
ზაპოროჟიეში მაღალსართულიან კორპუსზე 2 მარტს განხორციელებული თავდასხმის შედეგად დაღუპულთა რიცხვი 13-მდე გაიზარდა. ამის შესახებ ინფორმაციას უკრაინული მედია უკრაინის სახელმწიფო საგანგებო სიტუაციების სამსახურზე დაყრდნობით ავრცელებს.
"შენობის ნანგრევებიდან საგანგებო სიტუაციების სამსახურის სპეციალისტებმა 13 გარდაცვლილი ამოიყვანეს, მათ შორის ერთი 8 თვის ბავშვი", - ნათქვამია განცხადებაში.
განცხადებაში აღნიშნულია, რომ საგანგებო სიტუაციების სამსახურის თანამშრომლებმა 11 ადამიანის გადარჩენა მოახერხეს.
ოკუპანტებმა ზაპოროჟიეში 5-სართულიან საცხოვრებელ კორპუსი 2 მარტს დაბომბეს. თავდასხმის შედეგად საცხოვრებელი კორპუსი თითქმის მთლიანად განადგურდა.
