"მე ნამდვილად ვერ წარმოვიდგენდი იმას, რომ ამერიკის კანონის განხილვა და დაცვა დაგვჭირდებოდა ჩვენ "ოცნებასთან" ერთად, ამერიკელებთან და ამერიკისგან დაფინანსებულ ორგანიზაციებთან. ამერიკაში მოქმედი კანონის დაცვა თუ დაგვჭირდებოდა. მაგრამ, მოცემულობა ასეთია. იქიდან გამომდინარე, რომ სპეკულაციები იყო, რომ რუსული კანონპროექტია და ა.შ. და რომ არ ყოფილიყო სპეკულაციები, ერთი ერთში ამერიკის კანონპროექტი დავაინიცირეთ. აქვე გეტყვით, რომ ჩვენ კონსულტაციების საფუძველზე ეს გადაწყვეტილებაც მიღებული გვაქვს, რომ თუ თქვენ თანხმა ხართ და როგორც ჩანს, ამაზე მეტი შენიშვნა ამ კანონპროექტთან არ გქონიათ, გარდა ერთისა, რაც გაისმა, რომ თურმე ჩვენ არ ჩავწერეთ პრეზიდენტის უფლებამოსილება შეგნებულად. თანახმა ვართ ჩვენ, თუ შევთანხმდებით, რომ ეს კანონი მივიღოთ, გადმოვიტანთ. რა არის იმაზე უკეთესი, ვიდრე ევროპული სტანდარტი, რომ იყოს გამჭვირვალე ფინანსური, მათ შორის არასამთავრობო სექტორის ფინანსური ანგარიშგების სახით. რაც ყველაზე მთავარია, საზოგადოება უნდა იყოს ინფორმირებული, ხალხის ძალის პოლიტიკა ეს იყო და იქნება. რამაც გაამართლა, რომ როცა საზოგადოება არის ინფორმირებული, ის არის შეიარაღებული"
- ამბობს "ოცნებიდან" ფორმალურად წასული დეპუტატი, გურამ მაჭარაშვილი, რომელიც "რუსული კანონის" ერთ-ერთი ინიციატორია.
