ოცნებამ ხელმოწერით უნდა დაადასტუროს, ენმ უზრუნველყოფს წერილის შეტანას პარლამენტში- ხაბეიშვილი კანონპროექტების გაწვევაზე
გამოქვეყნდა:
ორი საბრძოლი აქვს ხალხს - რუსულ ოცნების ჩამოშორება და ევროკავშირის სტატუსი- აცხადებს ენმ-ს თავმჯდომარე რუსული კანონპროექტების გაწვევასთან დაკავშირებით, თუმცა აღნიშნავს, რომ ახლა აუცილებელია ეს გამარჯვება იურიდიულად გაფორმდეს:
"მინდა გამარჯვება მივულოცო ჩვენს მოქალაქეებს, განსაკუთრებით ახალგაზრდებს, ვინც იბრძოდა და იბრძვის საქართველოს ევროპული მომავლისთვის. ამ ახალგაზრდებმა თავისი უკომპრომისო ბრძოლით, სიტყვა უკვე უკან წააღებინეს რუსულ ოცნებას, თუმცა ძალიან მნიშვნელოვანია ეს გაფორმდეს იურიდიულად და სხვა ოპოზიციურ პარტიებთან ერთად, ენმ უზრუნველყოფს წერილის შეტანას პარლამენტში, სადაც უახლოეს დღეებში ის, რაც თქვა რუსულმა პარტიამ, ვგულისხმობ ქართულ ოცნებას, ხელმოწერით დაადასტუროს, იმიტომ რომ მათი სიტყვის აღარავის არ სჯერა, ბევრჯერ მოუტყუებიათ ხალხი.
რჩება მოთხოვნა, რომელიც უკავშირდება დაკავებულ სამოქალაქო აქტივისტებს, სხვადასხვა პარტიის წევრებს, ადამიანებს ვინც იბრძვიან საქართველოს ევროპული მომავლისთვის, მნიშვნელოვანია ამ ადამიანების გათავისუფლება.
საზოგადოებამ კარგად უნდა იცოდეს, რომ ეს არის ერთი, მცირე, მაგრამ მნიშვნელოვანი გამარჯვება, რომელსაც იურიდიული გაფორმება სჭირდება, მაგრამ მთავარი ბრძოლა რუსული ხელისუფლების წინააღმდეგ იწყება ახლა. რუსული ოცნება გვყავს დასამარცხებელი, მისი 78 გავრილოვით, რომელმაც ხელი მოაწერა რუსულ კანონს" განაცხადა ხაბეიშვილმა.
ოპოზიცია დღეს, 19 საათზე პარლამენტის წინ მოქალაქეებს მოუწოდებენ ისევ შეიკრიბონ რუსთაველზე და აიძულონ ხელისუფლება შეასრულოს ყველა მოთხოვნა.
