BBC: "ქართული ოცნება", რომელიც თავს სახელისუფლებო პარტიად ახასიათებს, საზოგადოებაში "კონფრონტაციის" შემცირების აუცილებლობაზე მიუთითებს

BBC წერს, რომ საქართველოს მმართველმა პარტიამ განაცხადა, რომ მასობრივი პროტესტის და ფართო საერთაშორისო კრიტიკის ფონზე საკამათო კანონპროექტს გაიტანს. ბრიტანული გამოცემა წერს, რომ ათასობით აქტივისტი თბილისის ქუჩებში მას შემდეგ გამოვიდა, რაც მმართველმა პარტიამ რუსული კანონის მიღება გადაწყვიტა.

კანონპროექტის თანახმად, არასამთავრობო ჯგუფები და მედია სამიზნე იქნებიან, თუ ისინი უცხოეთიდან დაფინანსების 20%-ს აიღებენ.

BBC ასევე წერს, რომ "ქართული ოცნება", რომელიც საკუთარ თავს ახასიათებს, როგორც სახელისუფლებო პარტია, რომელიც პასუხისმგებელია საზოგადოების ყველა წევრის წინაშე, მიუთითებს საზოგადოებაში "კონფრონტაციის" შემცირების აუცილებლობაზე.

საქართველომ ევროკავშირის კანდიდატის სტატუსის მისაღებად განაცხადი შეიტანა და ნატოში გაწევრიანება მოითხოვა. ევროკავშირის ოფიციალურმა წარმომადგენლებმა დაგმეს კანონპროექტი, როგორც შეუთავსებელი ევროკავშირის ღირებულებებთან.

განცხადებაში, ევროკავშირის დელეგაციამ საქართველოში დაწერა, რომ კანონის გაუქმების ნაბიჯი არის "მისასალმებელი განცხადება" და მოუწოდებს პოლიტიკურ ლიდერებს განაახლონ "ევროკავშირის მხარდამჭერი რეფორმები".

აქციის მეორე დღეს, დემონსტრანტების დასაშლელად ცრემლსადენი გაზი და წყლის ჭავლი გამოიყენეს, რადგან ისინი სკანდირებდნენ "არა რუსულ კანონს".

შსს-ს ცნობით, აქციის დროს დაკავებული აქციის მონაწილეები გაათავისუფლეს.

როგორც BBC წერს, ოფიციალურმა პირებმა განაცხადეს, რომ ზოგიერთი დაკავებული სასამართლოს წინაშე წარადგინეს, თუმცა დანარჩენი "გათავისუფლდნენ წინასწარი დაკავების იზოლატორში ყოფნის ვადის ამოწურვის გამო".