სტიკერის გაკვრისთვის შუშანა მაცაბერიძეს 5 000-ლარიანი ჯარიმა გამოუწერეს - ხოშტარია
გამოქვეყნდა:
5 000 - ლარიანი ჯარიმა სტიკერის გაკვრისთვის - დღეს "დროას" წევრს შუშანა მაცაბერიძეს სახლში 5 ცალი 1 000-ლარიანი საჯარიმო ქვითარი მიუტანეს. ინფორმაციას "დროას" ლიდერი, ელენე ხოშტარია ავრცელებს.
ოპოზიციონერი პოლიტიკოსის ცნობით, მაცაბერიძეს ჯარიმა უკრაინაში სრულმასშტაბური ომის დაწყებიდან 1 წლის თავზე დაგეგმილ აქციასთან დაკავშირებული სტიკერის გამო გამოუწერეს.
"5000 ლარიანი ჯარიმა სტიკერის გაკვრისთვის
დღეს "დროას" წევრს შუშანა მაცაბერიძეს სახლში 5 ცალი 1000 ლარიანი საჯარიმო ქვითარი მიუტანეს ფოტოზე აღბეჭდილი სტიკერის "თვითნებურად განთავსების" გამო.
პ.ს. სტიკერები უკრაინაში სრულმასშტაბიანი ომის დაწყებიდან 1 წლის თავზე დაგეგმილ აქციას ეხებოდა.",- წერს ელენე ხოშტარია
