თურქეთის სამხრეთ-დასავლეთ სანაპიროებთან მიგრანტების ნავი ჩაიძირა. თურქეთის სანაპირო დაცვის, ინფორმაციით, დაღუპულია 5 ადამიანი. მაშველებმა 11 ადამიანის გადარჩენა შეძლეს. მათ შორისაა ერთი ბავშვი.
ხოლო იმავე ნავის კიდევ 5 მგზავრი საბერძნეთის ტერიტორიაზე, კუნძულზე იპოვეს. გადარჩენილების ინფორმაციით, ნავზე სულ 31 ადამიანი იმყოფებოდა. როგორც თურქეთის, ასევე საბერძნეთის სანაპირო დაცვა იტყობინება, რომ სამძებრო-სამაშველო სამუშაოები გრძელდება.
