ბოლო დროის ყველაზე მასშტაბური პროტესტის მონაწილეების წინააღმდეგ პრემიერმინისტრის მუქარას უერთდებიან "ოცნების" მცირე კალიბრის, მაგრამ დიდი ამბიციის მქონე რიგითები. მათ შორისაა დიმიტრი სამხარაძე, რომელმაც პოლიტიკური წონა ვერ დააგროვა, მაგრამ შავი საქმეების შესრულებით ადგილი მმართველ პარტიაში ნამდვილად დაიმკვიდრა.
სახელისისუფლებო პარტიის რადიკალური ფრთის იდეოლოგი და ტროლ-ბოტებისა და ზონდერ ჯგუფების ხელმძღვანელი გამოირჩევა სიძულვილის ენით და ოპონენტებთან ბრძოლის ბინძური მეთოდებით. ოდიოზური დეპუტატი ერთადერთი იყო, რომელმაც რუსული კანონის ორივე მოსმენის დროს ხელი მწვანე ღილაკს დააჭირა.
