"მთავარი ხაზი ახლა თქვენზე გაივლის... ცალკე საკუთარი თავის გადარჩენა მოგიწევთ და ცალკე - საერთო საქმის" | ნიკა გვარამიას მიმართვა კრიტიკულ მედიას
გამოქვეყნდა:
"მთავარი ხაზი ახლა თქვენზე გაივლის... ცალკე საკუთარი თავის გადარჩენა მოგიწევთ და ცალკე - საერთო საქმის", - ამის შესახებ "მთავარი არხის" გენერალური დირექტორი და დამფუძნებელი, ნიკა გვარამია რუსთავის სასჯელაღსრულების დაწესებულებიდან გავრცელებულ წერილში წერს და კრიტიკული მედიის წარმომადგენლებს მიმართავს:
...მეგობრებო, მთავარი ხაზი ახლა თქვენზე გაივლის. უმძიმეს მდგომარეობაში მყოფებს, ცალკე საკუთარი თავის გადარჩენა მოგიწევთ და ცალკე - საერთო საქმის. უნდა გამხნევდეთ და უნდა შეძლოთ, რადგან არავითარი სხვა გზა არ არსებობს. ყველა თქვენ გიყურებთ და თქვენი გამბედაობა და გონივრულობა გადამდები იქნება ყველასთვის. სულ უნდა გახსოვდეთ კაფკა:
"ვიღაცამ სულ უნდა იგუშაგოს.
ვიღაც სულ უნდა იყოს იქ".მთავარი არხი, ფორმულა, ტვ პირველი, კავკასია
აბა თქვენ იცით! აბა ჩვენ ვიცით, ყველამ ერთად!
თქვენი ნიკა 212-ე საკნიდან, - წერს ნიკა გვარამია.
